Обзерач Природы #17 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 22. сiчня/януара 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Коли сте были остатній раз в Бєщадах? А як сте были, то де? На полонинах? Чули сте колиси о тым, же в тых горах сут місця, де мож почути ся як в далекій Ляпляндиі? В найблизшым одтинку бесіда буде про торфяник Тарнава – вандруючы по деревяных мостах, почуєме тот маленькій вітер пілночы. Окрем самой вандрівкы, дознаме ся і, чом як раз гев в Бєщадах возникнул торфяник, як докладні він выглядат, як там доіхати і на як долго заплянувати візиту. Як глядате в часі епідеміі заграничных видоків, але без выізджаня з державы, то найблизшый «Обзерач Природы» напевно ся Вам сподабат!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.