Обзерач Природы #14 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 18. грудня/децембра 2020 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Вшыткы сме з гір, або в них жыєме, або з них походиме. Не раз і не два чули сме о зсувах ґрунту, якы сут барз частым явиском в нашых Бескідах. Чом они проходят власні в нас? Якы сут того причыны? В якых обставинах возникают зсувы ґрунту? Просиме на кус ґеолоґічный одтинок «Обзерача Природы». Дознате ся з нього тіж, што робити, жебы дословні ґрунт спід вашой хыжы не зачал ся зсувати.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.