Общество св. Йоана Крестителя – Печатня – віторок, 20.00 год.

Запрашам вшыткых слухачів до выслуханя звуковой реляциі зо стрічы з священниками Грекокатолицкой Церкви на Словациі о. Ярославом Поповцьом – парохом Чырча, і о. Міланом Ясіком – парохом з Чабин. О. Я. Поповец єст предсідательом соспільной орґанізациі – Общества св. Йоана Крестителя, а отец Ясік єст, мож повісти, журналистом, шефредактором выдаваного  обществом квартальника АРТОС.

Общество св. Йоана Крестителя было основане в 1862 році през Александра Духновича. Діяльніст Общества св. Йоана Крестителя, по роках перервы, была обновлена в 2003 році, коли його статут был затверджений грекокатолицкым митрополитом і пряшівскым архієпископом высокопреосвященійшым Йоаном Бабяком.

Головны цілі діянь орґанізациі, записаны в статуті, то реліґійний, нацийональний і культурний розвиток Русинів.

Завдякы діяльности членів общества были переведены на русиньский язык: Тетраєвангелия, Апостол на неділі і свята, Требник і інчы літургічны тексты.

Лем Общество св. Йоана Крестителя, як єдине, має реальны заслугы для розвитку лемківского языка в церковній сфері.

Стріча з отцями Поповцьом і Ясіком одбыла ся 25. мая 2015 рока в Піддукляньскій Бібліотеці во Свиднику в рамках 3. Русиньского Фестівалю, а наша радийова авдиция вызвучыт в рамках сериі “Печатня”.