Образ Варголя на торгах в Кракові

В днях 19.-21. марця т.р. на Медженародных Стоматолоґічных Торгах Кракдент в Кракові буде вказаний єден з вельох образів знаного на цілым світі русиньского короля поп-арту – Енди Варголя. То св. Аполонія, котра, якраз, патронує дохторям-стоматолоґам.

Прінт буде презентуваний як ориґінальний. Має розміры 85х67 цм і буде вказаний в двох версиях, на червеным та жолтым фоні. Як подає сайт www.onet.pl, ціна св. Аполоніі сігат близко 80 тис. евро.

Образ буде мож видіти в Медженародным Торгово-Конґресовым Центрі ЕКСПО в Кракові.

(фото: Facebook)