О. Мирослав Цідило лавреатом головной нагороды за охорону і опіку над забытками

В суботу 23. мая в каплици Благовіщыня Пресвятой Богородиці в Далевіцах (прошовіцкій повіт) 13. раз приділено нагороды в конкурсі Марияна Корнецкого за выдатны осягніня в ділині охороны і опікы над забытками деревяной архітектуры Малопольщы. Лавреатом головной нагороды остал о. Мирослав Цідило – парох православной парафіі свв. Космы і Даміана в Бортным.

Конкурс, котрого ініциятором і орґаніатором є Самоуряд Малопольского Воєвідства, має на ціли пропаґуваня ревіталізацийных, науковых і промоцийных проєктів, концентруючых ся вколо той уникатовой формы забыткового будівництва. Конкурсовій капітулі, котра признала головну нагороду 15 тис. зл, проводил проф. Францішек Зєйка – ведучий Соспільного Комітету Одновы Памятників Кракова. Капітула выберала спосеред 21 кандидатів.

О. Мирослав Цідило угоноруваний был за опіку над забытковыма объєктами, входячыма в склад його парафіі. Заслужыл ся він медже інчыма ремонтом і адаптацийом будинку старой плебаніі на Парафіяльний Історычно-Природничий Музей, ци проведіньом консреваторскых і реставраторскых робіт трьох церкви в Бортным, Бодаках і Волівци. Середечні ґратулюєме!

Інформация подана за портальом: terazgorlice.pl