Новы книжкы о Апостольскій Адміністрациі Лемковины

Выдавництво Украіньского Католицкого Університету (УКУ) выдало двотомову книжку пн. Духовенство Перемиської єпархії та Апостольської адміністрації Лемківщини авторства о. Богдана Праха, актуального ректора УКУ.

Моноґрафія посвячена єст істориі Грекокатолицкой Перемышльской Єпархіі та Апостольскій Адміністрациі Лемковины. Складат ся з двох томів Біографічні нариси (1939-1989) та Документи і матеріали (1939-1989). В першым томі найдеме біоґрафічны дописы про більше як девятдесят священників та семінаристів, а в другым опубликувано вельо документів з часів діяня єпархіі, серед котрых находят ся і такы, якы свідчат о преслідуваню перемышльскых єпископів, священників та вірных, як чытаме за інформацийом про книжку поданом на сайті ucu.edu.ua.

Моноґрафія творена была через понад 20 років. За тот час о. Прах позберал тисячы архівальных материялів і обдыл соткы інтервю зо свідками подій.