Новорічный «Говорить Пряшів» – пятниця, 18.10 год.

На тот Новый Рік! Так ся закликуйме, так ся здравме, кєд же днес Маланка. Вшыткым тым, што будут з нами витати Новый 2023 Рік, вінчуєме щедроты і добра.

Перед тым, як будете ся гостити, просиме іщы на наступну нашу стрічу з Пряшовом. Днес на початок познаме ближе біоґрафію покійного владыкы Міляна Шашіка, мукачівского єпархы, котрый поміг в остатніх роках розбудувати русиньску Грекокатолицку Церков на Підкарпатю.

В Книжници Михал Стан – поезия од представника молодой ґенерациі підкарпатскых писателів. Дале Перличка – ту дальша стріча зо старом ґазетом «Недѣля». Ґазета принесе новорічне поздоровліня америцкым Русинам.

Но, і вкінци Припоминка – гев Орест Сабо і його опрацуваня «О угорскых Русах (Русинах)», як описал на початку ХХ ст. русиньскы звыкы на праздник Богоявліня.