Новий ведучий Руской Бурсы!

Од 12.00 год. в будинку Руской Бурсы проходит Загальне Зобраня Стоваришыня Руска Бурса в Ґорлицях. Хоц оно ся іщы не скінчыло, а перед нами дальшы пункты засіданя, уж можеме выявити, же по вельох успішных роках шефуваня Богдана Ґамбаля (1993-1995 і 2001-2015), рішыньом присутных на Загальным Зобраню членів РБ, нововыбраным ведучым Стоваришыня Руска Бурса в Ґорлицях остал др Павел Малецкій.

До Головного Заряду Стоваришыня Руска Бурса вошли іщы:

• др габ. Олена Дуць-Файфер,
• Богдан Ґамбаль,
• Наталія Малецка,
• Даміан Трохановскій,
• Северин Косовскій.

Новому ведучому, а при нагоді нашому приятельови з ансамблю лем.фм, желаме вшыткого доборого в выполняню новой функциі.