Новий сайт православной пряшівской єпархіі

Недавно явил ся в інтернеті новий сайт пряшівской православной єпархіі. Найдете в ним актуальности о єпархіі, вельо фотоґалерий, інформациі о істориі і діяльности Православной Церкви в Чехах і Словациі, та локальных Церкви в інчых странах світа, гомілетычны і інчы тексты звязаны з правослявныма подіями. Вшытко тото за адресом www.eparchiapo.sk.

Пряшівска єпархія то адміністрацийна єдиниця Православной Автокефальной Церкви Чешскых Земель і Словациі і разом з михаловско-кошыцком єпархійом творят східню, находячу ся в Словациі, част той Церкви. Окрем них сут іщы дві єпархіі, пражска і оломунецко-брненьска, котры находят ся в Чешскій Республиці.

Од 2014 р. предстоятельом Православной Автокефальной Церкви Чешскых Земель і Словациі єст митрополита Растислав, котрий єдночасно єст тіж єрархом пряшівской єпархіі.