Новины радия ЛЕМ.FM штоден!

Хоц каждоденны новины радия ЛЕМ.FM то од парох тыжнів постійний елемент радийовой розпискы, тепер маме для Вас наступну функцийональніст на портали www.lem.fm. Пониже верхньой статі на головній стороні находит ся такій притиск з описаньом:

Коли го схоснуєте, почуєте нашы новины, рыхтуваны штоден од понеділька до пятниці Наталійом Малецком і Даміаном Трохановскым.
А в суботу і неділю – обшырне повторіня з цілого тыжня!!!

Окрем того, новины почуєте в ефірі радия ЛЕМ.FM о 10.00, 16.00 і 19.45.

А може хочете остати новинарьом? Кєд мате даяку інтересуючу інформацию, або горячу віст, напиште на radio@lem.fm. Заохочуєме до спілпрацы і дякуєме за присланы Вами материялы.