Новелізация уставы о нацийональных і етнічных меншынах

25. вересня т.р. польскій сойм принял новелізацию схваленой 10 років тому уставы о нацийональных і етнічных меншынах.

Запропонуваны зміны тыкают м.ін. пошыріня введеной уставом можности хоснуваня языків нацийональных і етнічных меншын та реґіонального языка як помічных в контактах з самоурядами, тіж в контактах з самоурядовом адміністрацийом повітового щабля.

Новелізация дає змогу ґмінам і повітам выставити, на внесок заінтересуваного, двоязычных засвідчынь, выступуваня до орґанізаций нацийональных і етнічных меншын з двоязычныма писмами (в урядовым та меншыновым языках) та поміщаня інформаций про самоуряды в двоязычній версиі.

Введены зміны поліпшают тіж діяня Спільной Комісиі Уряду і Нацийональных та Етнічных Меншын, медже інчыма через побільшыня составу Комісиі о представника властивого міністра до справ высшого шкільництва і окрисліня принципів зголашаня кандидатів до Комісиі. Новелізация дополнят тіж інформациі про триб выборів членів Комісиі, ци записы тыкаючы выгасаня членьства в Комисиі.

Тоты зміны дадут змогу властивому міністрови до справ віроісповідань та нацийональных і етнічный меншын дофінансувати задачы про едукацию дорослых осіб (до той поры мож было реалізувати едукацийны задачы для діти і молодежы). Самоуряды будут мочы покликувати полномічників до справ нацийональных і етнічных меншын.

Джерело: mac.gov.pl