Нова інвестиция осередка «Елеос» в Ґладышові

Як заявлят офіцияльний сайт ПАПЦ www.orthodox.pl, в лемківскым селі Ґладышів тырвают роботы звязаны з розбудовом Православногo Осередка Милосердя «Елеос». Попри істнуючій уж забудові рішено добудувати новий регабілітацийний дім, в котрым найдут ся тіж покоі для пенсийонарів та каплиця.

Осередок «Елеос» был оснований з благословіня архієпископа Адама – владыкы перемышльско-новосандецкого. Од самого початку духовником і директором осередка єст о. др Аркадий Баранчук. Головны цілі діяльности «Елеосу» то орґанізуваня благодійной помочы, охорона і промоция здоровля, праца з неполносправныма особами і іх регабілітация та охорона дідицтва культурового реґіону. Осередок орґанізує вшелеякы формы актывности для молодежы, м. ін. выізды до ріжных місцевости Польщы і заграниці. Окрем того, фунґуваня Осередка в Ґладышові то тіж місця працы для жытелів околичных сел.

Веце інформаций найдете за тым мотузком.

Про діяльніст Православного Милосердного Осередка «Елеос» оповідат фільм, найдений в сервісі YouTube.