Нихто іх не выганял – віторок, 20.00 год.

По 20.00 годині запрашам на проґрам з сериі “Села”, пн. “Нихто іх не выганял”. Буде то стріча з Марийом Матійчаковом, родом з Чарной, котра од червця 1947 рока жыє на заході Польщы, на Малых Ґавронах.

Пані Мария буде споминала своє жытя на Лемковині і на заході, по выселіню. Вызвучат тіж факты про так звану “депортацию”, то єст выізды Лемків до “Росиі”, пересіліня до луганьской области в 1945 року. В проґрамі будут співати пані Мария і єй внук Дарко Матійчак – Дамир.