Нибы такы самы, а кажда інча – днес церков з Лелюхова – «Реґістер Забытків» – середа, 20.00 год.

Од якысого часу прицупнули сме в західній части Лемковины і там познаєме докладні єй особливости, а головні тоти, котры представляют приміры лемквіского проєктового aртизму деревяной церковной архітектуры. Звертаме увагу на объєкты, якы – в більшости – специялісты в тій обшыри уж давно признали забытковыма. Помаціцькы – самы такыма специялістами ся стаєме. По тых більше як 20 омовленых церквах, знате ачий достеречы, же ся ріжнят, а – што більше – чым ся ріжнят медже собом і напевно знате іх дакус ліпше описати, як лем тото, же єдна церков то орієнтуваний, тридільний храм, зрубовой конструкциі, обитий ґонтом і крытий бляхом.

Днес в мікро скали призриме ся церкви в Лелюхові. Образово призрити можете ся уж тепер – смотрте долов на ґалерию знимок нашого приятеля Каміля Палюшка (автора фб-профілю Cerkwie Łemkowskiego Beskidu). Запрашаме!

А гев позарейте на знимкы архіву радия лем.фм

«Реґістер Забытків» то познавчий проґрам, в якым зазнаємляме ся з Лемковином в скали мікро. Премєра проґраму – середа 20.00 год., повторіня четвер 2.00 і 8.00 год. за лемківскым часом.