Не лем по чешскы о Русинах

30. грудня припадат річниця смерти Івана Ольбрахта – чешского писменника та журналісты, якій дуже писал про карпатскій край – описувал жытя і обычаі Русинів.

Іван Ольбрахт вродил ся 6. січня 1882 рока в селі Семіли, тепер обшыр Чешской Республикы, вмер 30. грудня 1952 рока в Празі (Чехы). Долгы рокы был редактором ґазеты „Руде Право” – пресового орґану чехословацкой комуністычной партиі. В 30. роках ХХ ст. был частим гостьом Підкарпатской Руси. Залюбил ся в товдышнім патриярхальним способі жытя Русинів, іх культурі і традициях. Тоты одвидины заінспірували го до написаня повісти, яка стала ся клясыком чешской літературы – Миколай Шугай, розбійник. Основом повісти є істория жытя збійника Миколая Шугая по Першій Світовій Войні до часу його арештуваня і смерти в 1921 році.
На чешску літературу мала тіж влияня серия репортажів про товдышнє жытя на Підкарпатскій Руси – напр. Борба о культуру на Підкарпатскій Руси ци Земля без мена та збірка трьох оповідань про жытя хасидскых Єврерів. Велика іх част остала переведена на английскій язык. На русиньскій язык переведено повіст Смутны очы Анці Караджічовой.
Іван Ольбрахт был тіж автором сценария першого артистычного фільму з жытя Підкарпатской Руси під назвом Марійка невірна.
Во вшыткых творах Іван Ольбрахт вірні одтворил суть жытя жытелів Підкарпатской Руси.
В 1982 році в селі Колочава основано невеликій музей І. Ольбрахта.

(фото: Вікіпедия)