Научный семінар о едукації Русинів

Інштітут русиньского языка і културы Пряшівской універзіты в Пряшові Вас позывать на вже 43-ій научный семінар карпаторусиністікы, котрого темов буде едукація Русинів на Словакії.

Семінар одбуде ся дня 4-го октобра 2017-го року о 13.00 год. в засідалні Consilium maius Ректорату Пряшівской універзіты, на ул. 17. новембра ч. 15. Лекцію на тему Сучасный стан едукації Русинів Словакії (В контексті імплементації іновованой концепції навчаваня русиньского языка і літературы) собі на тот семінар приготовив Мґр. Марек Ґай, учітель контінуалной едукації про русиньскый язык і літературу з Методічно-педаґоґічного центра у Пряшові.

В проґрамі семінара буде уж традічно і презентація найновшых выдань з карпаторусиністікы. Сердечно запрошаме.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА