На чужыні остане побудувана нова церков

Як подає інформацийний порталь www.cerkiew.pl, в суботу, 18. липця т.р., на чужыні, в селі Самбож (нижньошлескє воєвідство), остал посвячений пляц під будову новой православной церкви. До той поры вірны самбірской парафіі молили ся в малым поміщыню, выділеным в понімецкій забудові.

О будові новой церкви на заході Польщы заявляме, понеже невелика самбірска громада то Русины і іх потомкы, котры были в 1947 році выселены з рідной Лемковины. Парафія чыслит ок. 30 родин. Настоятельом парафіі в Самбожу єст Лемко, о. Ігор Габура. Скорше на богослужыня доізджал інчий лемківскій священник – о. Любомир Воргач з Ліґниці.