Музейна ніч в Празі з Русинами

Дня 13-го юна 2015 р. буде в Празі проходити знама Празьска музейна ніч, в рамках котрой ся в Домі народностных меншын одпрезентують окремы народностны меншыны, котры жыють в Чеській републіці.

Русиньску народностну меншыну будуть репрезентовати общества Rusíni.cz – русиньска ініціатіва в Чеській републіці і Общество приятелів Подкарпатьской Руси (Společnost přátel Podkarpatské Rusi, o.s.).

Русины представлять ся од 20.00 до 21.00 год. в просторах кавярні Дому народностных меншын зо свойов традічнов кухньов приготовленов досправдовыма носительками народной кулінарьской традіції, ці выставков фотоґрафій з русиньсков тематіков. Потім ся од 21.00 до 22.00 год. далшый проґрам одбуде в сполоченьскім салі Дому народностных меншын. Там ся одпрезентує автентічный русиньскый народный спів, фотосеріал під назвов Русины днесь, з чім потім буде повязана і бісіда під веджіньом Яна Чопика, но а буде і промітаня документу під назвов Колочава.

Подія буде проходити на адресі Dům národnostních menšin, Vocelova 602/3, Praha 2. Русиньскы общества в Чеській републіці сердечно запрошають.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА