Музей Варгола прииготовлює проґрам на день його народжіня

Музей модерного уменя Анди Варгола в Міджілабірцях приготовлює про своїх навщівників на день народжіня Анди Варгола, 6-го авґуста 2015 р., богатый проґрам. На участных чекають і творчі варштаты з Їтков Копейтковов.

6-го авґуста є окрім варштатів з Їтков Копейтковов під назвов „Warhol & Streetart”, котры будуть о 10.00, 14.00 і 17.00 год., приготовленый screen test в експозіції Анди Варгола (під статьов найдете відео, як робив Варгол screen test з Бобом Діленом), промітаня філмів, чітаня із книжкы Михала Быцька, а і „Ночны діалоґы з Андим“, котры будуть в просторах Art Café.

I 7-го авґуста можете іщі брати участь на творчіх варштатах. Їтка Копейткова о такых самых годинах як в попередній день буде вести варштаты під назвов „Колаж“.

Вшыткых в мені орґанізаторів, значіть, Музею модерного уменя Анди Варгола в Міджілабірцях і Общества Анди Варгола в Міджілабірцях, сердечно запрошаме.

Детайлный проґрам долов на плаґатах.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА