Моніка Ліс – Конец світа – «Печатня» – субота 20.00 год.

В проґрамі «Печатня» буде днес о книжці, котрой іщы неє. Повіст єст написана і жде на выданя. З творчыньом, співачком і писменничком – Моніком Ліс, будеме заохочувати припустных чытачів до заінвестуваня в выданя реченой книжкы. Ци підпорюваня «Кінця світа» може принести дакому хосен?

Моніка Ліс поважыла ся выдати свою повіст без підпоры буд-якой інституциі. Рахує лем на любителів Гір, Лемковины та прихыльників лемківской культуры, добрых люди, заінтересуваных темом. Кравдфандінґова акция до днес принесла великій успіх, а тепер і слухачы лемківского радия ЛЕМ.фм мают нагоду прилучыти ся до ней. Скорше писали сме про ню – на кравдфандінґовым сайті mintu.me (клікаючы в мотузок перенесете ся одраз на порталь) можете выбрати суму, яком мож спомочы тоту ініциятиву, достаючы мапу, книжку з автоґрафом авторкы, або вельо меньшых і більшых стильовых рукотворных ґаджетів (на декотры з них позерайте за сайтом manufakturamoniki.pl), а для найщедрійшых спонсорів найде ся вельо інчых атракцийных нагорід.