«Молода Лемковина» – днес в словацкій телевізиі в рамках «Русиньского Маґазину»

Днес вертаме до подій з 21. листопада/новембра 2015 р., коли в Ґорлицкым Центрі Культуры проходил І Фестіваль Лемківской Авторской Творчости «Молода Лемковина». Окрем чысленной публикы, котра горячо плескала вчас конкурсовой і ґальовой части фестівалю, присутных было на ним вельо медий. Посеред них – русиньска редакция словацкой державной телевізиі, зберяюча материялы до «Русиньского Маґазину», проґраму, котрий приносит подіі з жытя Русинів, жыючых в Словациі і інчых державах.

Премєровий проґрам «Русиньского Маґазину», в котрым найде ся реляция з фестівалю «Молода Лемковина», буде емітуваний днес (віторок, 26. січня/януара 2016 р.) о 15.30 год. на другым каналі словацкой державной телевізиі (Dvojka). Высыланя буде повторене в середу, 27. січня/януара, о 9.30, а од четверга материял буде доступний в інтернетовым архіві RTVS2.

Нич діждете ся проґраму, запрашаме до обзераня записів з І Фестівалю Лемківской Авторской Творчости: обшырной фотоґалериі та концертів анамблів/солистів з конкурсовой части – Сестры Бочнєвич, Грдза, Юлия Ющак, 7кропка, Весна і Владислав Сивый – та з ґальового концерту.