Миколай Коневал “З русиньского сердця”‘

Русиньска Оброда на Словеньску в 2012 році выдала книжку з вершами Миколая Коневала родом з Камюнкы. Серед ріжных стихів, сут і такы котры поета дедикувал Лемкам і Лемковині. 

На лемківскым гробі 

Трава росне, вітер дує на лемківскым гробі,
спиш там Лемку уж вічным сном, хто приде ку тобі?

Хто ся приде помолити, вінец положыти,
подумати, поплакати, свічку засвітити.

Твоі діти гет до світа одыйти мусили
а тебе ту саменького лишити мусили.

Не є кому терня з гробу твого вычістити,
бо ціла твоя родина мусить інде жыти.

Бесіда з автором внет, лем в радию ЛЕМ.фм