Мексиканьскы варихы

Наша ґазета для народа все была отворена на шырокій світ. Занимали нас великы подіі і загальна політыка.

Не позерали сме лем до сусідового боіска, жебы рахувати му коровы. І не занимало нас, ци його баба знат добрі варити. Знали сме згоры, же не знат, а коровы в сусіда то лем рычати знают.

І днес вызнаєме філософію, же ліпше іти даде дальше од рідной стайні і сусідовых горців. Во світі, нашых редакторів, николи іщы тамты ґаздове палицьом не натолкли, а іх бабы не розтріскали нам на хырбеті варихы.

Зато днес віст про революцию в Мексику надрукувану в “Лемку” дня 17. лютого 1912 рока.