Медженародний Ден Толеранциі

Малопольскій Воєвідзкій Уряд орґанізує 15 листопада дискусийний панель з оказиі Медженародного Дня Толеранциі.

Модератором дискусиі є Малґожата Ружыцка з Департаменту Реліґійных Вызнань і Народовых і Етнічных Меншын (МАіЦ).

До панелю запрошены остали експерты, якы занимают ся правами чловека і європейском політыком в тым закресі, як тіж запрошено специялістів в квестиях народовых і етнічных меншын і особы якы на штоден занимают ся антидискримінацийном едукацийом, а сут то: Вєслава Костжева-Зорбас, Анджей Мірґа, Артур Пасек, Павел Карнас, Дарюш Пачковскій, Ружа Тун, Славоміра Вальчевска, Анна Макувка-Квапісєвіч.

Дискусия одбуде ся 15 листопада о 15 годинi, в Воєводзкій Публичній Бібліотеці в Кракові при ул. Райскій 1, саля 315.

В рамах обходів Медженародного Дня Толеранциі отворена остане в будинку бібліотекы выстава Ромарайзінґ. Є то выстава выпрацювана в часі соспілной акциі, якой цілю была зміна наставліня люди мешкаючых в Польщи – не-Ромів до ромской меншыны. Вказує портреты 80. Ромів якым повело ся зінтеґривати з соспілством. Автором знимок є знаний американьскій фотоґраф Хад Еванс Вятт. 

Медженародний Ден Толеранциі празднуваний є на цілым світi 16 листопада. Установлений остал перез Загальне Згродаджыня ОЗН (Орґанізацию Зєднаных Народів) з інициятывы ЮНЕСКО.