Марина Цєсля: Бог нас не лишыл – проґрам «Там в горах Карпатах» – част 6

Днес, 13. грудня 2018 р., в четвер, о год. 20.10 запрашам на шесту і остатню стрічу з Марином Цєсльом з Михалова, родом з Фльоринкы.

Долов одказ Марины Цєсьловой з Михалова:

Хоц то моі реляциі нагрываны сут на Заході, то заєдно споминаме на Лемковину, прадідівску землю вшыткых нашых люди, де бы они не одышли, і де бы не были розметаны по шырокым світі.

Днес запрашам на проґрам, якому дал єм наголовок: Бог нас не лишыл. Запрашам до выслуханя проґраму про різдвяны звыкы, якы плекают Фльоринчане.

Коли мешкате «на Заxоді» Польщы і хочете штоси нам повісти, поспоминати о вашым жытю на Лемковині, ци на Чужыні, то ждеме. Як бы сте хотіли нас повчыти, або оповісти про своіх предків – дідів і прадідів, так дайте знати. Як мате близко себе, в родині, когоси, з кым мали бы сме награти бесіду, пиште на адрес – mirek@lem.fm.