Малый Липник знова привітать Русиньску ватру
Уж 9-ый річник Русиньской ватры одбуде ся тот рік в селі Малый Липник, в окресі Стара Любовня. І тот рік головный орґанізатор, котрым єм орґанізація молоды.Русины, приготовив інтересный русиньскый проґрам, котрый зачне в пятніцю 13-го юла 2018-го року і закінчіть ся в неідлю пополідне.
Пятніця є інтересна головно про тых, котры бы хотіли дашто знати о фолклорных танцях, припадно ся їх научіти. Не буде браковати ани теорія, ани практіка. Участны будуть годны выслухати лекцію Каткы Бабчаковой, а і штось ся научіти в школі танців із Камюнкы, котру буде вести Владимір Кертіс вєдно із Катков Бабчаковов. Потім собі каждый може научене выпробовати на вечорній забаві, котру одограть Народна Музика Радослава Кертіса.
Проґрам в суботу зачне уж традічно церьковнославяньской літурґійов в містній ґрекокатолицькій церькви, одкыль піде святочный кройованый ход аж на місце фестівалу, де на навщівників чекають в рамках двох блоків проґраму Жены з Малого Липника, БАРДФА, ФК Маковіця, Фолклорна ґрупа з Уяку, Фолклорна ґрупа Порачан, Ансамбель Терочка (Ґорлиці), Мірослав Гуменик, Rusnack´s і Анна Сервіцька із музиков Дрібна. В ночі не буде браковати запаліня ватры, по котрім буде до рана грати забаву Народна музика Шарішанці.
В неділю фестівал закінчіть ся окружным гасічскым змаганьом. Русинська ватра є реалізована вдяка фіначній підпорі Фонду на підпору културы народностных меншын і Фундації Татра банкы. Комплетный проґрам приносиме під статьов.
ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА
Пятніця – 13-го юла
19.00 – Лекція із Катков Бабчаковов
20.00 – Школа танців із Камюнкы зо солістом Владиміром Кендром – участником конкурзу Zem spieva і Катков Бабчаковов
20.40 – Забава з народнов музиков Радослава Кертіса
Субота – 14-го юла
15.00 – Церьковнославяньска ґрекокатолицька літурґія за участи хору зо Старой Любовні і выступаючіх в кроях
16.15 – Поход селом на місце фестівалу
16.25 – Привітаня выступаючіх коло cельского уряду
17.00 – Зачаток фолклорного проґраму
19.30 – Супроводный проґрам в ареалі
20.30 – Концерт „Вечур русиньскых голосів“
22.30 – Запаліня ватры
22.45 – Огньострой
23.00 – Забава із народнов музиков Шарішанці
Неділя . 15-го юла
14.00 – Окружне гасічске змаганя
Повязаны дописы
Ґорлиці 106,6 MHz
