Ліґницка стріча з проф. П. Р. Маґочійом – четвер, 20.10 год.

Просиме выслухати пренос стрічы з проф. Павлом Робертом Маґочійом, яка прошла 7. червця/юнія 2023 р. в просторах Вітельоновой Колеґіі в Ліґници.

Подібні як стріча на Вроцлавскым Університеті (6. червця/юнія), подія была посвячена промоциі книжкы під назвом «Pod osłoną gór. Dzieje Rusi Karpackiej i Karpatorusinów». Заінтересуваны зышли ся в просторах ліґницкой учельні – Вітельоновой Колеґіі.

Бесіду модерувала проф. Олена Дуць-Файфер. Початкого дала своі звіданя, на котры одповідал запрошеный гіст, а пак звіданя подавали зобраны на подіі. Проф. Маґочій розправлял м.ін. на тему русиньской достоменности, языка, а тіж о факторах, якы дозваляют рисувати границі Карпатской Руси.