«Лемкы в колишніх описах»

12. січня/януара 2016 р. о 18.00 год. в Коросні одбуде ся друга з плянуваного циклю стріч Околиці РутенікАрт, орґанізувана выдавництвом РутенікАрт з Коросна. О першій інформували сме вас гев.

Вчас той стрічы буде проходила промоция найновшой публикациі того выдавництва під назвом «Лемкы в колишніх описах» (орґ. «Łemkowie w dawnych opisach») під редакцийом Ореста Гамерского. Окрем того, буде мож побесідувати з запрошеным гостьом – добрі знаным Лемкам режысером, документалистом та творцьом документальных фільмів про Лемків, Кжыштофом Кжыжановскым. Запрезентуваных буде пару фільмів його авторства, тыкаючых карпатского погранича.

Вчас імпрезы буде мож зазнаємити ся з найновшом офертом Выдавництва РутенікАрт (яку перезріти можете пониже, а більшіст тых книжок, мож найти в бібліотеці Руской Бурсы в Ґорлицях) та придбати сой ріжны публикациі печатаны нима та інчых реґіональных выдавців.