Лемку, глядаш мешканя? А може жены?

Завдякы ґамбокнижці дознали сме ся о двох ґрупах, основаных через Лемків. Перша з них то заложена єдным з лемківскых студентів з Вроцлавя – ЛемМешканя. Кєд єс студентом, або особом з лемківского середовиска, котра хоче замешкати, або змінити мешканя на териториі столиці Нижнього Шлеска, а хтіл бы-с замешкати з Лемком або Лемкыньом, то зголос ся до ґрупы за тым мотузком.

Другом ґрупом, о котрій по части споминат ся в наголовку статі то Лемко глядат жены, котра остала основана з заміром зближыня лемківсых кавалерів і панн, незалежні од віку, в ціли гляданя ліпшой половины. Кєд єс самітний, а хочеш ся звязати зо свойом дівком або своім хлопчыском, то сміло клікний в тот мотузок. 

П.С. Пишеме о тых двох групах, зато, же редакциі радия і порталю лем.фм, залежыт на лучыню ся нашых люди. Най лемківскій нарід ся одраджат! Нелем гляданя жены ґу тому стремит, але і спільне мешканя. 🙂

фот: фанпейдж ЛемКарпет на ґамбокнижці