Лемковина Ультра Трейль – інтервю з орґанізатором Кжыштофом Ґайдзіньскым – середа, 20.00 год.

Лемковина Ультра Трейль, змаганя в літаню, то новаторска подія на Лемковині, якой радийо лем.фм мат чест быти медияльным патроном. По успішній влонишній едициі, змаганя в літаню будут проходити другій раз і того рока (о новій едициі, як і о можливости записів інформували сме Вас за тым і за тым мотузком).

І хоц буде ся то одбывало аж на осін, рыхтуваня пракчтычні уж завершены, а участників охочых до справджыня ся на бескідскых путях є уж більше як 800 і то з ріжных держав світа!

Дознайте ся, як то ся стало, же така подія буде проходила власні в нас – на Лемковині? Одкале взяла ся назва Лемковина Ультра Трейль і што она означат? Ци ліпше ся летит долину ци під гору? Чом стартує ся о пілночы? І ци тот, хто зачне тренувати днес, мат даяку шансу, жебы прелетіти дакотру зо штырьох трас, хоц бы і найкоротшого Лемка..?

Одповіди на вшыткы звіданя, а і вельо веце, днес о 20.00 на антені радия лем.фм – запрашам на інтервю з директором змагань Кжыштофом Ґайдзіньскым.

Повторіня о 2.00, 8.00 та 14.00 наступного дня. A по премєрі проґрам буде можливий до одлуханя на нашых подкастах. Запрашам!

Пониже презентуєме пару знимок презентуючых влонишні змаганя. Більше найдете на сайті орґанізатора www.ultralemkowyna.pl