«Лемковина по обох странах Карпат» на вытягніня рукы

Од заране в продажы доступна буде книжка авторства Станіслава Криціньского Лемковина по обох странах Карпат печатана выдавництвом Libra, а уж од неділі зачне ся цикль авторскых стріч промуючых книжку:

• 20. грудня/децембра 2015 р., 17.00 год., Ряшів
• 21. грудня/децембра 2015 р., 17.00 год., Краків
• 28. грудня/децембра 2015 р., 17.00 год., Варшава
• 29. грудня/децембра 2015 р., 17.00 год., Ґорлиці

Лемковина по обох странах Карптах то проба представліня істориі той части Европы од часів єй заселіня по половину ХІХ ст. Книжка єст історычно-культуровом вандрівком, вчас котрой дознати ся буде мож про початкы осадництва на тых землях і теориях з ним звязаных, про вандруючы статуі Божой Матери, про бескідскых збійників, але і про барску конфедерацию, яка славлена през Поляків, доцяп інакше явила ся Лемкам. Вельо місця в книжці посвячено змагяням медже присутным од початку локациі сел – православійом, а грекокатолицизмом – введеным постановами берестийской уніі з 1596 рока. Обшырні описано лемківскы іконы і церкви, якы як першы асоциюют ся з Лемковином.

На стрічах буде мож побесідувати з автором книжкы Станіславом Криціньскым i очывидні придбати сой найновшу публикацию выдавництва Libra.