«Лемковина по обох сторонах Карпат» в проґрамі «Печатня» – віторок, 20.00 год.

В рамках проґраму Печатня запрашам до выслуханя реляциі з промоциі книжкы Станіслава Криціньского п.н. «Łemkowszczyzna po obu stronach Karpat». Автор, народжений в 1954 р., хоц має хемічну освіту, од років занимат ся історийом і краінознавством – головні обшыри Карпатскых Гір. Єст автором чысленных опрацувань м.ін. “Деревяны церкви в Карпатах”, “Бєщады. Історычно-краінознавчий словник” – в двох частях, “Перемышль і Перемышльскє Погіря”, “Церкви в Бєщадах”.

Книжка Лемковина по обох сторонах Крапат, выдана в 2015 р. выдавництвом “LibraPL” з Жешова, то четверта книжка авторства Станіслава Криціньского, присвячена обшыри нас інтересуючой. Лемковина по обох сторонах Карпат то єдна з невельох прац, котры вказуют обшыр Карпатской Руси по пілнічній і полудньовій стороні гір як приналежну тій самій культурі єдиницю, котру заселял єден нарід, підданий подібным історычным детермінантам розвитку.

Днешня авдиция буде в польскым языку. Книжку мож объєднати на сайтах выдавництва Libra.pl.