«Lemko Bluegrass Band» на Підкарпатскій Руси

В неділю, 20. вересня т.р., ґрупа «Lemko Bluegrass Band» завитат на Підкарпатску Русь, де в Ужгороді заграт концерт на діточым ярмаку. Подія пройде од 17.00 год. на ужгородскым замку.

Ансамбль «Lemko Bluegrass Band» то ґрупа, яка одкликує ся до істориі еміґрантів з Галичыны, котры в минулим столітю плынули за велику млаку глядати ліпшого жытя. Серед галицкых вандрівників находили ся тіж Русины з Лемковины, што переложыло ся на репертуар ґрупы. ЛББ презентує выміну – варияцию карпатской музыкы з музыком Америкы – кантри. В своім проґрамі мают пару лемківскых пісен, котры переробили во власных ориґінальных аранжациях.

Долов – русиньска співанка з Лемковины – Шугай, найдена в сервісі YоuTube.