«Лемківскы церкви – близко серця» – вернісаж выставы

7 липця т.р. в Ряшові буде проходил вернісаж выставы Лемківскы церкви – близко серця авторства Каміля Палюшка – любителя лемківскых церкви і фотоґрафуваня.

Каміль Палюшек, по професиі ґрафік, в свобідным часі пакує апарат до торбы і вандрує вздолж і впілперек Лемковины. Тым, што фасцинує го найбарже і што хоче затримати в кадрі, сут лемківскы церкви. Одвиджаючым порталь лем.фм знаны сут уж выбраны його фотоґрафіі – част з них прикрашало і дополняло уж пару раз заповіди радийового проґраму Реґістер Забытків (церков в Війкові, церков в Поворознику, церков в Щавнику), а выбраны знимкы можете найти тіж на фб-профіли Cerkwie Łemkowskie Beskidów.

Вернісаж буде проходил 07.07.2015 р. од 19.00 год. в клюбокавярни Coctaile Culture (ул. Рынок 16/6) в Ряшеві.