Лемківскє співаня на передсвяточній стрічы

Стоваришыня Рес Карпатіка просит на передсвяточну стрічу, на котрій буде нагода разом поспівати в лемківскым языку. Стріча пройде 13. грудня/децембра т.р. о 19.00 год. в Центрі ім. Яна Новака-Єзьораньского при ул. Черняковскій 178а в Варшаві.

Лемківскы співанкы од вельох років сут в репертуарі більшости туристичных подій і стріч орґанізуваных стоваришыньом. З нагоды ближучой ся стрічы орґанізаторы зрыхтували збірку найбарже знаных співанок та коляд. Співаня заінтонує Томаш Трачык, автоматик за освітом, інформатик за професийом, але од молодых років великій любитель Низкого Бескіду. Пасийонує ся співом, од туристичных співанок через лемківскы аж по мандриґалы, мотеты і григорияньскій хорал.

Буде то остатня орґанізувана Стоваришыньом Рес Карпатіка стріча в 2017 р., зато тіж участникы будут мати нагоду зложыти собі святочны і новорічны желаня.