Лем ся вчыти

Котре село прийме руского учытеля? Посыламе лем тых, што уж на пенсиі, жебы ім не треба было вельо платити. Парадный учытель, маючый гідні скушености, а при тым любит природу.

Рускій учытель годен іти лем на рускы села. Лем ся задумайте, ци то часом не дакій підступ. Хоче він робити економічно-просвітительно. Може быти небезпечно, а іщы як ся часом зотне з панотцьом. Най мают позір тоты, што книжок в руках николи не тримали, а кєрпців по дорозі до школы не встигли сторгати.

Бояти ся можут і тоты, што ім не по дорозі з «рускістю». Учытель уж не сут за молоды. А чловек чым старшый, тым веце нервовый. Най лем найде ся село, якє ся тримат свого і прийме руского учытеля. Інакше шкода труду.

Пропозициі посылайте нашій редакциі. Глядаме села, де сут мудры діточкы. Треба іщы невелику хыжку і сад. Добрі бы тіж было мати даку козу. Лем таку, што не зожре рускых книжок.