лем.шпорт

І днесь вечур на вас чекать першый на світі русиньскый шпортово-научно-діскузно-філозофічный і аґрарьный проґрам під назвов лем.шпорт.

Днесь будеме мати в штудію знова гостя. Якбач найзнамішый біціґліста з Театру Александра Духновіча в Пряшові, його довгорічный актор – Іґор Латта. О тім, яке має, або не має одношіня ку шпорту, припадно ку котрым шпортам, з ним будуть бісідовати двоми найліпшы русиньскы шпортовы коментаторы – Михал Куцер і Петро Медвідь.

Наш „power play” 2:1 зачінаме о 19.25 год. пряшівского часу, котрый є єднакый як в русиньскій Ждыні. Тішыме ся на вас!

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА