Кычера літат. Тым разом по снігу

Лемковина што раз частійше стає ся цілю не лем пішых краєвидовых прогульок, але тіж місцьом для барже вымагаюых спортовців. Систематычні інформуєме вас о новій спортовій ініциятыві на Лемковині, якым єст Лемковина Ультра Трейль – осінны змаганя в літаню, вчас котрых мож зміряти ся на трасах 150, 70, 45, 30 км, а од того рока іщы на єдній о долгости 80 км з Крениці до Гыровы. Окрем того, орґанізуваны сут інчы, дакус меньшы змаганя того рода.

Як раз зима того рока кусцьок ся з нами бавит – то приходит, то зникат. Хоснуючы тот момент, же і мороз тримат і снігу кус накурило, буде мож взяти участ в змагянх в літаню, але такым як пристало на зимовы обставины – в літаню на нартах. Осередок ізды на нартах Кічераскі в Пулавах к. Рыманова орґанізує першу едицию, з пляном на цикличну подію, змагань в літаню на нартах. Змаганя проходити будут 23. січня/януара – перша част, а 6. лютого/фебруара – дурга. Більше дрібниц найдете на ниже поміщеным плякаті та на сайті орґанізатора.