Концерт Відима

В найближшу пятницю, то є 29 листопада, о 20.00 годині в Концертовым Студию ім. Януша Гайдуна Радия Ґданьск выступит ансамбль Відимо.
На концерт до Ґданьска ансамбль Відимо остал запрошений перез Влодзімєжа Басьора Махніковского і Дарюша “Лося” Подбереского, якы ведут авдицию Музычны вандрівкы Лося і Басьора–
є то радийова пропозиция Радия Ґданьск, в котрій презентувана є нешабльонова музыка і вынятковы артисты.

З добрі знаных слухачам радия лем.фм музыків, в студию Радия Ґданьск запрезентували ся уж – Анджеля Ґабер Тріо і Квадро Сусанна.

Ансамбль Відимо то парунадцет дівчат з іх вельоголосовым співом карпатскых пісень. І – як пишут про себе самы – то музыка про тото што было і про тото што буде. Така музыка, жебы почути і оповісти, а там де є таємниця – урвати впіл звуку… Відимо, бо відаме, знаме, же мистецтво родит ся в стірчы. 

В остатнім часі выдали кружок Відимо/Хмільне. Пісні з той платні дівчата м.ін. запрезентуют на концерті в Ґданьску.

Під гевсым мотузком можете одберати Радийо Ґданьск на своіх компутерах.
Концерт зачне ся о 20 годині в пятницю (29 листопада).