Концерт коляд «Од Cходу до Заходу» з Радваниц – неділя, 14.00 год.

В минулу неділу мал єм нагоду зареєструвати в Радваницях специяльно для слухачів нашого радия концерт коляд, якій зорґанізувала учытелька лемківского языка Дорота Максимчак при підпорі Боґуславы Німаш – директоркы Основной Школы в Радваницях, і родичів діти, яки вчат ся лемківского языка в тій школі. Концерт під наголовком «Од Сходу до Заходу» є єдным з діянь заплянуваных в рамках проєкту Фундациі Орлен «Тот світ не загынул – будут называти нас Лемками».

Гості запрошены на тот концерт то люде отвертых серц, особы кохаючы спів, підтримуючы традициі, дбаючы о фундамент душы.

Єдным з ціли того проєкту, не смотрячы на культуровы ріжниці, є розвиток поставы отвертости, зрозумліня і взаємной пошаны. Спільне колядуваня має дозволити орґанізаторам і участникам зреализувати заплянувану ціль.

Меджекультуровый концерт «Од Сходу до Захoду» в радваницкій школі прикрасили свойом присутністю і співами молоды і старшы гості з Нижнього Шлеска, медже інчыма з Пшемкова, Шпротавы, Любіна, Ґлоґова, Радваниц і Бучыны.

Тепер запрашам Вас – послухайте заявку переносу:

А уж заран, в неділю, 31. січня/януара 2021 р., запрашам на 14.00 годину слухати цілый концерт.

Знимкы Андрий Ковальскій