Конкурс на 5-минутовий фільм «Етно-климаты»

Скансен в Шымбарку та Мазярска Загорода в Лоси (одділіня Музею Дворы Карвациянів і Ґладышів в Ґорлицях) оголосили фільмовий конкурс Етно-климаты для молодежы ґімназий і середніх шкіл.

Задачом єст сотворити 5-минутову етюду, яка ілюструвала буде народны осінно-зимовы звыкы і обряды з Лемковины або Погіря. Темом награня можут быти занятя вказуючы традицийны ручны роботы ци професиі з обох тых обшыри. Чым ориґінальнійше пізріня на тему і інтерпретация давных або сучасных традиций, тым більша шанса на нагороду. Орґанізатор передвидує іх 3 і додатково єдну – нагороду публикы, яка признана остане вчас фільмового показу.

В конкурсі участ можут взяти індивідуальны творці та максимальні 4-особовы ґрупы. Мож анґажувати до фільму акторів, а як фон крученой етюды мож схоснувати обшыр Скансену в Шымбарку і Мазярской Загороды в Лоси – oрґанізатор удоступнит вшыткы потрібны обєкты.

Цілю конкурсу єст популяризация знаня о нaродных традициях і пошырюваня культурового дідицтва Ґорлицкого Погіря і Лемковины.

Фільмовы пропозициі мож присылати до 28. лютого/фебруара т.р. на адрес Музею Дворы Карвациянів і Ґладышів в Ґорлицях (ul. Wróblewskiego 10A, 38-300 Gorlice) враз з выполненом зголошыньовом картом. Полний реґулямін найдете за тым мотузком.

Фот. горі: выімок з «Панрусиньского Тыжденника ЛЕМ.фм+» но 7.