Конкурс для Фейсбуковичів – выберайте фаворита фестівалю «Молода Лемковина»

На фейсбуковій подіі І Фестівалю Лемківской Авторской Творчости «Молода Лемковина» явила ся анкєта. То конкурс для хоснувателів социяльной сіти Фейсбук, в котрым можете спомочы свій улюблений ансамбль, выступуючий в конкурсовій части фестівалю, выграти фестівальову катеґорию «Голосує Ґамбокнижка».

Каждий хоснуватель Фейсбука може дати голос на більше як єдного участника конкурсовой части (але в пули лотериі/томболі найде ся лем раз) і може выграти ручні роблену торбу з лоґо лем.фм, продукциі фірмы Manufaktura Moniki (яка шумна – позерайте горі/долов). То не вшытко, бо беручы участ в анкєті-конкурсі, можете причынити ся до выграня своім фаворитом катеґориі «Голосує Ґамбокнижка» враз з фінансовом премійом!

Участникы конкурсовой части фестівалю «Молода Лемковина» то:

• «7кропка»
• «Грдза»
• «Сестры Бочнєвич»
• Юлия Ющак
• «Весна»
• Владислав Сивый

Пошырюйте, копіюйте, давайте на своі фб-профілі опис для родины, приятелів і фанів, жебы взяли участ в тым конкурсі, котрий скінчыме рівно о пілночы з 20./21. листопада/новембра 2015 р.

Більше о участниках конкурсовой части пишеме за тым мотузком. Заходте тіж на фейсбукову подію І Фестівалю Лемківской Авторской Творчости «Молода Лемковина», на котрій мож дати свій голос.