Конференция «Русины – славяньскій нарід бывшой Чехословациі» в Празі

Славяньскій Союз і Общество Приятелів Підкарпатской Руси сердечні просят на конференцию, котрой тема то Русины – славяньскій нарід бывшой Чехословациі, обнимаючу проблематыку русиньского народу, культуры і языка в сучасній і історычній перспектыві. Конференция одбуде ся в суботу 7. листопада/новембра 2015 р. од 14.00 год. в великій сали приземля Дому Нацийональных Меншын в Празі

В проґрамі передвиджены выступліня:

• Карпатскы Русины, медженародны односины (Польща, Словация, Украіна) – Богдан Ґамбаль, Стоваришыня Руска Бурса, Польща,
• Русины в Войводині (Сербія) – Марош Воловар, Сxідньословацкє Общество «Валал», Словация,
• Істория Підкарпатской Руси і Русинів в ХХ столітю – Ян Чопик, Общество Приятелів Підкарпатской Руси,
• Русиньскій язык і його односины до другых славяньскых языків. Практычны приміры, музычна вставка – Роберто Ломбіно, Славяньскій Союз.

В імени орґанізаторів, о котрых пишеме пониже – красні просиме.

Славяньскій Союз то орґанізация основана в 1992 р. чешскым писательом Алексийом Плудком, котрой традиция навязує до першого Славяньского Зъізду в 1848 р. в Празі, будучого медженародовом маніфестацийом панславяньского руху в австрийскій державі.

Общество Приятелів Підкарпатской Руси было основане в 1990 р. як континуация діючого в меджевоєнным періоді Клюбу Приятелів Підкарпатской Руси. Його цілю являт ся спілпраца з орґанізациями закарпатской области Украіны (історычной Підкарпатской Руси), інтеґрация Русинів, жыючых в Чешскій Республиці, і популяризация знаня о Підкарпатскій Руси.