Конференція о Підкарпатьскій Руси

В днях 16. – 17. септембра 2014 р. буде проходити міджінародна наукова конференція під назвов „Підкарпатьска Русь почас еры Першой републікы.

Конференцію орґанізує Філозофічна факулта Карловой універзіты в Празі – Катедра середньоевропскых штудій вєдно із Факултов історії Ужгородьской націоналной універзіты в Ужгороді. Лекції буде мож выслухати в просторах Філозофічной факулты Карловой універзіты на Намістю Яна Палаха 2 (Náměstí Jana Palacha 2, штація метра Staroměstská). Лекції будуть передавати науковці з Україны, Чеськой републікы, Словакії, але буде мож выслухати і лекцію вызначного русиністы проф. Павла Роберта Маґочія з Торонтьской універзіты в Канаді.

Проґрам конференції найдете ниже.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА