Колыска наша – різдвяны концерты

Орґанізация “Колысочка” сердечні просит до участи в різдвяных концертах названых Колыска Наша. Одбыли ся уж дві стрічы з той сериі: 13. грудня т.р. в культурным домі в Вільшавици коло Левочы на Спишы і 16. грудня в Домі Культуры в Снині.

Перед нами дальшы два концерты: 18. грудня в сали основной артистычной школы во Свиднику і 28. грудня в Ґерлахові коло Бардийова. Выступлят там жакы, ученникы вечерніх шкіл русиньского языка – проєкту реалізуваного “Колысочком” і артисткы Анна Сервіцка та Мариянна Железна. За дрібницями позерайте долов.

Орґанізация “Колысочка” є партнерском орґанізацийом Стоваришыня Руска Бурса в Ґорлицях і ансамблю Кычера з Ліґниці. Єй основательком єст Люба Кральова, котра недавно была гостьом проґраму Богдана Ґамбаля (чытайте за мотузком). “Колысочка” орґанізує вечерні школы русиньского языка для вшыткых віковых катеґорий од найменьшых діточок по дорослых. Пізрийте тіж на іх сайт, клікаючы на тот мотузок – www.rusinskyjazyk.sk.