Коляды Хору Духовеньства Любіньского і Зеленогірского Деканатів Православной Вроцлавско-Щеціньской Єпархіі

На Різдвяны Свята рекомендуєме нову, выняткову платню, яку обовязково треба сой придбати. То плaтня з колядами Хору Духовеньства Любіньского і Зеленогірского Деканатів Православной Вроцлавско-Щеціньской Єпархіі.

Членами хору сут священникы, дякы, учытелі реліґіі, войсковы і шпытальны капеляны, адміністраторы парафій, а при тым і будівничы храмів і парафіяльных домів. В звязку з тым, же хористы наштоден жыют в ріжных, часом барз оддаленых од ся частях єпархіі, найчастійше мож іх почути, коли прикрашают співом кєрмешы в парафіях єпархіі, а зато, же звычай колядуваня є міцно закорінений в церковну традицию, хористы рішили награти такій акуратні репертуар.

На платни найдеме 17 творів – тропарів свята і коляд, част з них в авторскых опрацуванях на вельоголосовий мужскій хор.

Платня остала записана в церки о прекрасній акустыці, в Пшемкові.  Фраґмент коляды до послуханя долов, а ціліст в радию лем.фм.

Дистрибуция выданя ведена є выбраныма церквами Православной Вроцлавско-Щеціньской Єпархіі, або за мотузком.