«Книга пам’яті Лемківщини 1944-1946», друга част бесіды – проґрам „70 процент” – субота, 21.00 год.

В нас в гостях зас Ярослава Ґалик з Яремча і… єй «Книга пам’яті Лемківщини 1944-1946». Вшыткы щыро підтримували ідею пані Ярославы – списати выселеных Лемків, але вкінци нихто ій не поміг в роботі… Але вышол уж перший том, в ним списано 40 тысячів Лемків, выселеных на Радянску Украіну з повітів Новий Санч, Новий Торг, Коросно і Ясло, а неодолга буде готовий і другій. Бесідуєме о роботі з документами, о проблемі з границями Лемковины, о тым, хто може схоснувати спис выселеных. А може і вам тото ся придаст? Слухайте нашу бесіду.

Премєровий одтинок проґраму „70%” в суботу о 21.00 год., повторіня в неділю о 3.00, 9.00 та 12 год. за лемківскым часом.