Кінчыт ся выстава Енді Варголя в краківскым Музею Сучасной Штукы

Іщы лем до неділі 30. серпня (авґуста) 2015 р. мож обзерати выставу прац Енді Варголя 10 портретів Жыдів ХХ столітя в краківскым Музею Сучасной Штукы МОЦАК, на котрій представлений єст цикль серіґрафій найвызначнійшых осіб зо світа літературы, наукы, політыкы, выбраных подля коду етнічной приналежности (писали сме о тым на нашым портали).

Вернісаж выставы одбыл ся 14. червця 2015 р., а перший по вернісажы ден експозициі серіґрафій русиньского короля поп-арту Енді Варголя припал на світову акцию Ніч Музеів, коли мож было обзерати выставы в МОЦАКу, в тым і варгольову, ночом.

Конец серпня то тіж конец вакаций і часто споминів о урльопі, зато рекомендуєме ґултныти кус высокой штукы при кінци літа, кєд лем будете в тым часі в Кракові.

Пониже – заповід і опис выставы, веденой кураторком Моніком Козьол.