Карнавалово-байкова забава во Вроцлаві

Хоц проходяче в минулу суботу в Ґладышові на Лемковині молодіжне пущаня ЛемПарти2 мало быти послідньом того рода подійом перед приходячым Великым Постом, і на чужыні молодіж хоче встигнути ся выбавити перед часом вытишыня і задумы.

11. марця т.р., во Вроцлаві (ул. Губска 6), од 20.00 год. зачне ся молодіжна Карнавалово-байкова забава, котрой головным мотывом будут БАЙКЫ. В ініциятыві іде про тото, жебы каждий участник приоблік ся в дакє шумне облечыня, звязане з байками, котры знаме головні з фільмовых екранізаций та книжок. Вступне то 25 зл для перебраных і 35 зл для неперебраных. Треба лем памятати, же кєд хлопец приде в ґєрку і повіст, же є предсідательом, орґанізаторы не мусят в тото повірити. 🙂  В оферті зрыхтуваны будут просты закускы і напиткы, а до гуляня буде пригрывал компутер з шумном – не лем лемківском – музыком.

Більше інформаций і контакт до орґанізаторів – за тым мотузком.

Подібне молодіжне переберане пущаня проходило влони в ліґницкым Кружку Стоваришыня Лемків. Позерайте на фотореляцию з той подіі.