Кампер для ЛЕМ.фм “Тыжден допереду” (нажыво) – понедільок, 20.00 год.

Днес в проґрамі задумаме ся над історийом русиньской моторизациі – од часів першых фурманок, аж до першых нашых стартів на австомадярскым торі формулы першой на торі Гунґарорінґ.

До шефредактора зголосиме запотрібуваня на службовий транспорт. Зато просиме слухачів до высыланя своіх моторизацийных пропозиций.

Як все – вкаже ся, што редакторы будут мати ріжны автомобільны смакы. А што, радийо Руской Бурсы повинно мати авто, до котрого змістит ся ціла редакция і запрошены гості, то шефредакторови не буде легко забезпечыти такє, на котре будеме мати дяку.

Днес оповіме, котры редакторы інтересуют ся моторизацийом, а котры мают скінчены автомобільны школы і сут професийоналістами в тій обшыри.

Перший мериторычно–езотерычний проґрам Тыжден допереду, з домішком провінцийонального і ґльобального емпіризму… лем в радию Руской Бурсы. І желаме Вам доброго ефіру през сіт ЛТЕ і кажду інчу.